متذكر ايام جراحى
متذكر في مرقبي وش جرالي
وصفقت باالكفين يأس على يأس
أخــذت أعد أيامها والليالي
دنيا تقلب ما عرفنا لها قياس
كم فرقت ما بين غالي وغالي
لو شفت منها ربح ترجع للافلاااس
تقطعك دنيا ما لها أول وتالي
لو أضحكت للغبن تقرع بالاجراس
المستريح اللي من العقل خالي
ما هو بلجات الهواجيس غطاس
ما هو بمثلي مشكلاته جلالي
أزريت أسجلهن بحبر وقرطاس
حملي ثقيل وشايله بحتمالي
واصبر على مر الليالي والاتعاس
وأرسي كما ترسي رواس الجبال
ولا يشتكي ضلع عليها القدم داس
لا خاب ظني بالرفيق الموالي
مالي مشاريه على نادي الناس
لعل قصر ما يجيله ظلالي
ينهد من عالي مبانيه للساس
تعليقات
إرسال تعليق