ابرحل عن سما دنيك

اهداء لكل امهات العااااااااااااااااااااااااالم

قصـيـدتـي زاد بعـيـونـي جـمـالـهـا
واخــذت أنـقـي بالمعـانـي جزالـهـا

واكتـب معانيهـا مـن الشـوق والغـلا
لأمي وأنا اصغر شاعـر ٍمـن عيالهـا

كتبتهـا فــي غربـتـي يــوم رحلـتـي
لـمـا طـرالـي بالـسـفـر ماطـرالـهـا

امـي وانـا بوصـف لـهـا زود حبـهـا
وان ماحكيـت لهـا قصـيـدي حكالـهـا

امـي لهـا بالقلـب والـجـوف منـزلـه
مـكـانـة مـاكــل مـحـبــوب نـالـهــا

اقرب من ظلالي وانـا وسـط غربتـي
وانـا تـراي اقـرب لهـا مـن ظلالهـا

ماشافت اعيونـي مـن النـاس غيرهـا
ولا خـلــق رب الـخـلايـق مـثـالـهـا

اغـلا بشـر فـي جملـة النـاس كلـهـم
واكـرم مـن ايديـن المـزون وهمالهـا

اتبـع رضاهـا ورتـجـي زود قربـهـا
واللـي طلبتـه مـن حيـاتـي وصالـهـا

الصـدق مرساهـا والاشـواق بحرهـا
والعطف واحساس الغـلا راس مالهـا

اهـيـم فيـهـا وابتـسـم يـــوم قلـبـهـا
يسـأل وانـا قلبـي يـجـاوب سؤالـهـا

وان اطلبتـنـي شــي فـزيـت منـدفـع
امـوت أنــا واحـمـل تعبـهـا بدالـهـا

واصبر على الدنيا والاحزان والتعب
واحمـل علـى متنـي فطاحـل جبالـهـا

واسهر اعـذب راحـة القلـب بالشقـا
واعيـش اعانـي بـس يـرتـاح بالـهـا

تربية ابوي اللي على الطيـب بذكـرة
الـلـي وهـبـنـي الـحـيـاه ومجـالـهـا

نور لـي ادروبـي وانـا طفـل مبتـدي
حتـى تركـنـي واحــد مــن رجالـهـا

الوالـديـن اولــى بالاحـسـان لجلـهـم
وأولــى بتكـريـم النـفـوس وعدلـهـا

اقـولـهـا وانـــا عـلــى الله مـتـكـل
والله عـلـيـم بـقـدرتـي واحتمـالـهـا

ياكلـمـة اغـلـى مــن الـنـاس كـلـهـم
يـاشـمـس بقـلـبـي بـعـيـد زوالــهــا

يافرحـة تملـي لــي الـكـون باكمـلـه
ياشـجـرة تـكـبـر ويـكـبـر ظـلالـهـا

تضحك لـي الدنيـا ليـا شفـت زولهـا
مـثـل السـمـا تـزهـا بطـلـة هلالـهـا

والبعـد عنهـا ياهـل العـرف ماقـدره
لاشــك نـــاري زايـــدة بشتعـالـهـا

ماعيـش بـبـلاد ولاهـيـب بأرضـاهـا
ولابـي عيونـي كــان مـاهـي قبالـهـا

أرض ٍ تـدوس امـي بالاقـدام رملـهـا
امـوت فيـهـا وانـدفـن فــي رمالـهـا